كنت انا وصاحبي عبدالله بنعمل عمرة من فترة كده
المهم فوجئت بأني كل مأروح مكان سواء في الحرم أو في أي مكان في مكة أو حتى مدينة جدة
ألاقي راجل وزوجته ( مصريين ) بيتخانقوا و بصوت عالي , المهم انا قلت الموضوع عادي وأكيد في أزواج كتير بيتخانقوا مع بعض
وقلت أقول لصاحبي على اللي انا شايفه يمكن أكون غلطان المهم صاحبي اندهش من انه انا كمان الموضوع لفت انتباهي وقال لي انه الموضوع لفت انتباهه هوه كمان
وقلت يمكن احنا بنيالغ ووحاولنا نشوف باقي الناس الموجودة حوالينا أيا كانوا واكتشفنا انه المصريين همه الوحيدين اللي بيعملوا كده
وان باقي الجنسيات بيتكلموا مع بعض بصوت منخفض جدا جدا
ياترى ايه السبب!!؟؟
وهل فعلا المتزوجين المصريين علاقتهم ببعض بتكون كويسة في أول فترة الزواج وبعد كده كل شئ بيتغير
وايه حكاية الصوت العالي دي أنا فعلا الموضوع ده أزعجني جدا لأن مفيش حد بيعمل كده غيرنا احنا المصريين
انا والله مش قصدي اننا وحشين ولا حاجة بس أنا بحاول أعرف حقيقة المشكلة يمكن نعرف نحلها سوا
هناك ٦ تعليقات:
المشكلة في بلدنا الحبيبة مصر مش بين المتزوجين بس
أحنا عندنا أزمة حوار كل واحد مفكر نفسه فاهم كل حاجة ومش راضي يسمع للطرف التاني أو يحاول يتفهم رأيه
فتلاقي خناقات بين
الزوج والزوجة
المدير والمرؤسين
الزملاء في العمل
الجيران
الأقارب
خناقات في خناقات
والمشكلة
أزمة حوار
محمود قطب :
شكرا على التعليق
وأظن معاك حق
بس ليه المشكلة دي موجودة عندنا احنا بس
و الله مش عارف ايه السبب
بس اللى انا عارفه كويس
انى عصبى حبتين و ممكن صوتى يعلى
ربنا يعنى و بطل الافة دى
عايزين نفكر مع بعض ازاى نهدى و نتحكم فى نفسنا فى وقت الغضب و لا ايه رأيك
سلااااااااااااااااااام
يااااااااااااااه
هى على المشكلة دى بس
مش مشكله حب .. دى مشكله طريقه حياة
وطريقة تعايش بين الناس وبعضها
احنا معندناش الموضوع ده
مش عارفة ليه المصريين كدا
يمكن ضغوط الحياة هى اللى عودتهم على العصبية والنرفزة والصوت العالى
الأزمة أن الكل مفكرين نفسهم الصح والباقيين غلط
وأتصور أن هذه المشكلة ترجع أسبابها
للحالة الإقتصادية التي يعيشها الشعب المصري
والحالة السوداء التي وضعنا فيها نظام مبارك الفاشل بكل المقاييس
جعلت الكل مش طايق نفسه ومش عايز يسمع لحد حتى زوجته
ولكن دورنا كملتزمين محاولة تغيير هذا الواقع من خلال تقديم نماذج طيبة للعلاقة سواء الزوجية أو الإجتماعية
وحث المجتمع على التحلي بذلك
إرسال تعليق