اشترى عربية جديدة وكان فرحان جدا بيها وكان بيحب آيس كريم الفراولة والفانيليا جدا
وكان عنده عادة انه بعد مايخلص الشغل وهوه مروح البيت انه يشتري آيس كريم فراولة أو فانيليا
فكان بيركن العربية وينزل يشتري الآيس كريم من السوبر ماركت ويطلع تاني يركبها
المهم لفت نظره انه اليوم اللي بيشتري فيه آيس كريم فانيليا ويطلع عشان يشغل العربية ..تقوم ماتشتغلش بسرعة
واليوم اللي يشتري فيه آيس كريم فراولة .. ويطلع يشغل العربية ..تشتغل بسرعة
الراجل زعل فعلا لأنه لسه شاري العربية من قريب فراح للشركة اللي اشترى منها العربية
الراجل راح للشركة وحكى لهم الموضوع كله وقصة الفانيليا والفراولة قامت الشركة ارسلت مندوب من عندها يرافق الراجل ده في أي تحرك ليه بالعربية
وفعلا كان كلام الراجل صحيح فاليوم اللي يشتري فيه آيس كريم فانيليا العربية ماتشتغلش بسرعة واليوم اللي يشتري فيه آيس كريم فراولة العربية تشتغل بسرعة
وبعد البحث والتدقيق اكتشفوا الحقيقة
آيس كريم الفانيليا بجوار بوابة الدخول في السوبر ماركت يعني الراجل بيدخل يشتريه ويخرج على طول
أما آيس كريم الفراولة فإنه بعيد عن بوابة الدخول للسوبر ماركت يعني في آخر المحل فالراجل على ما بيروح وييجي بيكون خد شوية وقت
لما الراجل بيشتري الفانيليا ويخرج على طول بتكون العربية لسه سخنة (حرارتها مرتفعة) ولما بيشتري الفراولة ويخرج بتكون العربية حرارتها انخفضت وعلى هذا كان هذا عيبا في تصنيع هذه السيارة حيث انها بتشتغل وهيه باردة يعني وحرارة الجو منخفضة او عادية بسرعة اكبر من ودرجة حرارة الجو مرتفعة والجو حر
الــــــشـــــــاهــــــــد
انه الراجل لما راح الشركة المصنعة للعربية الموظفين اللي هناك عاملوه معاملة كويسة وبعته معاه واحد يشوف ايه الحكاية
وقاموا بحل المشكلة في النهاية
أما لو كان في بلد من بلادنا العربية فكان الراجل ده يا إما انه هيتشتم ويطرد يا إما انه ماحدش هيعبره من الأساس
هناك ١٤ تعليقًا:
يا سلاااااااااااااااااااام
الكلام ده اكيد في المدينه الفاضله
اللي هي مش موجوده اصلا
ربنا يستر علي بلدنا
أظاهر أن الناس في بلدنا
كلها بتحب الفانيليا
ربنا يتوب علينا
ونشوف بقى الفراولة
لأن مش العربيات بس هي اللي بدور بصعوبة
ده كله حاجة بدور بصعوبة
حتى عجلة الديمقراطية(على حد تعبير النظام)
مش عايزة تدور
المعنى وصل
صبرا يااخى .. فرجه قريب ان شاء الله
انا حسة انك متحامل جدا على بلدنا مع انى حسة ان بلدنا فيها خير كبير واناس افاضل كتير .يا اخى لا تنظر دائما الى الشىء السىء ولكن انظر الى الاحسن وحاول ان تحسن السىء فبلادنا لن تتصلح الا بينا وبعملنا فاجتهد فى ذلك وادعوا غيرك ان ننزل الى الناس ونعلمهم كيفية التعامل مع الغير ففعلا مصر هى خير امة اخرجت للناس.وشكرا.
وائل حبيبي
الكلام ده موجود في أماكن كتير وممكن بإيدينا يكون موجود في مصر كمان
محمود قطب
شكرا على المرور
caaaaat
جزاكي الله خيرا على الزيارة
ابنة الاسلام
جزاكي الله خيرا على المرور
انا مش متحامل ولا حاجة بس انا عندي قناعة أكيدة بإن مصر ممكن تكون أحسن من كدة مليون مرة بس في ناس مش عايزة مصر تبقى كويسة وعايزاها تبقى خربانة على طول
اجمل ما فى الموضوع
ان الموضوع مش موجه على طووول
والحدق يفهم
بن توفيق
زيارتك دي غالية علينا
My friend, I make votes so that you have a good weekend
Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.
ياااه البوست ده من فترة كبيرة
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the TV Digital, I hope you enjoy. The address is http://tv-digital-brasil.blogspot.com. A hug.
إرسال تعليق